Դեսպան Տ. Բալայանի հարցազրույցը Diplomat Magazine-ին

30 հունվարի, 2021

«Հայաստանում COVID-19 համավարակի հետ կապված զգալի բարելավում է նկատվում. Երկրորդ շաբաթն անընդմեջ ընդհանուր բնակչության շրջանում կատարված թեստերի դրական թիվը չի անցնում 10%-ը: Դրանով պայմանավորված մեր կառավարությունը որոշեց բացել բոլոր սահմանները զբոսաշրջիկների համար և, հաշվի առնելով, որ մենք ունեք ազատ վիզային ռեժիմ մեր հարևանների ՝ Իրանի և Վրաստանի հետ, ակնկալում ենք, որ զբոսաշրջիկների մեծ ներհոսք կունենանք, գոնե՝ մեր հարևան երկրներից:

Փետրվարից Հայաստանի ավիացիոն հաղորդակցությունը վերականգնել է կապերը տարբեր երկրների, այդ թվում ՝ Ռուսաստանի հետ, և բոլոր նրանք, ովքեր ցանկանում են այցելել Հայաստան և վայելել ձմեռը, սպասված հյուրեր են:

Հայաստան մուտք գործելու համար այցելուներից պահանջվում է ներկայացնել COVID-19- ի բացասական թեստի արդյունք, այլապես՝ օդանավակայանում պետք է հանձնել թեստ, որն արժե շուրջ 35 եվրո: Մեկուսացումը պարտադիր է մինչև բացասական պատասխանի ստացումը: Բացասական արդյունքի դեպքում մարդիկ ազատ են Հայաստանի ներսում ճամփորդելու համար։

Չնայած զբոսաշրջությունն, ընդհանուր առմամբ, տուժել է համաճարակի ընթացքում, բայց հայկական գինիների վաճառքը աճ է արձանագրել, մասնավորապես՝ արգելափակումների ժամանակահատվածում: Ըստ հայկական գինու և ոգելից խմիչքների հիմնական դիստրիբյուտորի ՝ Royal Beverage Group- ի, դրանք քիչ ազդեցություն են ունեցել: 2020-ի վաճառքն աճել է, և նույնիսկ հոլանդական գինիների մի քանի կայքեր, ինչպիսիք են՝ Bovino-ն, իրենց ապրանքատեսականիում ներառում են բազմաթիվ հայկական գինիներ: Մենք շատ սերտորեն աշխատում ենք Duty Free խանութնորի հետ` հայկական կոնյակը և գինիներն իրենց վաճառքի ցանկում ներառելու համար»:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր